VOV4.M'nông: Nar 27/8, Bộ Ngoại giao Hàn Quốc mbơh nuĭh đă hăn kan mhe êng hạt nhân dâk bôk năp bah dak dja Noh Kyu-duk mbra ntơm hăn khâl Mỹ tâm nar ôi tay, 29/8, gay rgum nchră đah nuĭh ndrel gưl kan dak tơm jay Sung Kim; tâm ban kơt mpôl kruanh tâm boh dak bah dih n'hanh Hội đồng rnă njrăng neh dak Mỹ, gay tâm nchră mpeh nô nău Triều Tiên. Bôk nău kan nchrăp lor ăp rơh mâp lah nău nthoi tay ăp rơh tâm nchră mhe aơ đah 2 hê nuĭh đă hăn kan mhe êng Mỹ - Hàn Quốc n'hanh Triều Tiên ta Seoul, Hàn Quốc, nar 23/8 mhe aơ. Tĭng Bộ Ngoại giao Hàn Quốc, 2 ding mpŏng mbra geh ăp rơh nsŏng kơl jru lơn gay dơi ơm nthoi tay rêng tât đăp mpăn ta gôl dak Triều Tiên. Hăn khâl Washington rơh dja bah nuĭh đă hăn kan mha  êng Noh Kyu-duk, mbra ntoch jong tât 4 nar, tâm ban đah jŏ nar nuĭh đă hăn kan mha êng Mỹ hăn khâl Hàn Quốc (21-24/8). Ăp rơh mâp mbro đah bar nuĭh đă hăn kan mha êng bah Mỹ n'hanh Hàn Quốc mpeh nkô̆ nău Triều Tiên ƀư tâm rnôk duh jêr lơn ma hô ta gôl dak, lôch rnôk Triều Tiên rlăch dun hô ăp rơh nti tahen nsum Mỹ- Hàn Quốc ƀư ntơm bah nar 16/8 mhe aơ./.   

Nuĭh rblang: Điểu Thân