VOV4.M’nông: Sa ba mhe lah du nau vay ho\ geh tă bah jo\ bah kônh wa ăp rnoi mpôl đê| râm lam Tây Nguyên, geh nau khlay ryơk grăp ba. Kônh wa [ư ôp brah neh, brah dak, brah yôk, brah mih, brah nglaih…đah nau u\ch yan mih lăng prăng ueh, săk play lay mbôn, leo tât nau rêh hơm răm ân kônh wa. Aơ lah nau vay geh ueh ti\ng nau ryơk brah, lah nau vay têh ăp năm bah ăp rnoi mpôl.

Đah nau u\ch mât ndrel [ư ân ueh tay nau vay ơm nê, ntu\k kan văn hoá Gia Lai tâm rgop nsum đah ăp ntu\k kan tâm nkuăl Ia Pa mhe [ư kơl an kônh wa rnoi Jarai ta xã Chư Mố [ư ndâk tay nau sa ba mhe.

Nau ntơm [ư ôp brah geh: Mât huêng ba tâm mir; leo huêng ba si\t jay, nglăp huêng ba lăp tâm dro\ng ndrel sa ba mhe. Nau vay ri tâm [on [ư nau ôp brah rnôk ma ho\ jêh lôch kăch rek. Nau kan [ư sa ba mhe têh mô lah jê| ri nsing tâm nau geh jêng âk mô lah đê| bah ăp rnăk vâl, nsing tâm nau geh bah tơm ngih geh ndơ gay ma leo ôp brah ngêt sa du nar mô lăh âk nar.

Nau ôp brah sa ba mhe lah rnôk ma tơm ngih jă kônh wa, băl mpôl ndrel ăp [ôn lan êp nê ndrel tât ngêt sa. Ntă ngih âk bu năch ri uănh kơt lah nau rhơn. Yor ri, êng nau ôp brah, huêng bah ndrel ôp drâu phan ri nau kan ôp brah ân ueh săk jăn rnăk bâl bu hôm tur chi\ng, njroh mprơ lôch âk nar gay ma rhơn ndrel ân geh nau geh jêng bah du năm pah kan jâk rgănh.

Ao lah ngoai tâm aka nau vay ơm gay ma mât, [ư ân ueh ă nau khlay bah nau vay ơm geh tă bah kăl e bah u che nơm lơi an. U\ch đah, đah nau kan [ư kơt aơ ri mra lo\ geh pơk njêng hvi lơn ndrel ma mât mro tât ba kơi,. Gay mô neg nau sa ba mhe ma âk ntil nau vay ơm êng êng bah kônh wa [on lan tâm lam n’gor geh mât, jêng du nau [ư pâl n’aih ueh lăng tâm nau kan hăn mêt uănh nau ơm geh bah ăp [on lan ho\ tă ơm geh âk nau ueh ân ăp bu năch dăch ngai./.

Nu\ih rblang: H’Thi