VOV4.M’nông: Đà Lạt-Lâm Đồng lah ntu\k pâl nđaih rlu rlău bôk năp bah Việt Nam, rlău ma ăp nkual, ntu\k pâl nđaih uănh nsong way ơm geh le\ ntoh lư bah Đà Lạt kơt dak leng Prenn, dak leng Datanla, n’glău Than Thở, Thung lũng tình yêu, Đồi Mộng mơ, N’gar nkao nkaul [on têh… a[aơ geh âk ntu\k tuch tăm lo\ mir công nghệ mhe ta nkual [on têh aơ le\ jêng ntu\k tât ueh, wa\ch rgum nar lơ âk năch tât uănh nsong n’hanh [ư ngăn.

            3 khay bôk năm aơ, n’gâng kan pâl nđaih Đà Lạt- Lâm Đồng wơt rlău 1,5 rkeh tơ\ năch. Nău du\t nkoch lah, rlău ma ăp nkual, ăp ntu\k hăn uănh pâl nđaih way bên bah Đà Lạt- Lâm Đồng kơt leng Prenn, leng Datanla, n’glău Than thở, Thung lũng tình yêu, Đồi mộng mơ, Mir kao nkual [on têh…ri năch hăn pâl nđaih joi tât ăp mir tăm biăp, kao, dâu tây t^ng trong tuch tăm công nghệ mhe bah [on lan ta aơ nar lơn ma âk đo\ng. tât hăn uănh n’hanh măt saơ ăp mbor biăp ăp ntil dơi tăm, mât chăm ma công nghệ ue\h mhe ta du ntu\k pâl nđaih tuch tăm ta phường 9, nkual [on têh Đà Lạt, yuh Nguyễn Thị Nhung, năch hăn pâl nđaih tât bah nkual [on têh Hồ Chí Minh, nkoch mpeh nău uănh năl bah he:

            “Gâp saơ du\t u\ch rnôk hăn uănh pâl nđaih mir kơt aơ. Yor ta aơ he măt saơ tơm tăm păng dơi hao jêng n’hanh luh jêng kao play phâm păng. Lôch nê he g^t kloh dơi công nghệ tăm t^ng sinh học, t^ng trong r[o\ng kloh ue\h, trong [on lan kan lo\ mir [ư luh ndơ kah ue\h, đăp mpăn an nu^h do\ng sa.

            Rlău ma ăp ntu\k hăn uănh tuch tăm ntoh êng, to\ng đah nău u\ch geh hăn uănh pâl nđaih tuch tăm dja nar lơn ma âk bah năch hăn pâl nđaih, UBND nkual [on têh Đà Lạt le\ ngăch hăn ôp uănh n’hanh mbơh bơi 30 ntu\k [ư tuch tăm công nghệ mhe geh to\ng di rnoh ue\h pơk mpông wơt năch hăn pâl nđaih đo\ng. T^ng nô Nguyễn Văn Thành, nu^h leo mpôl hăn pâl nđaih ta Đà Lạt, bol lah du ntil ndơ pâl mhe ntoh yơn pâl nđaih tuch tăm le\ jêng ngoăy tâm ăp ndơ [ư pâl nđaih ue\h mô dơi lah mô geh an năch hăn pâl nđaih rnôk tât nkual [on têh dja. Yor kơt nê|, nău n’gâng kan nkual [on têh Đà Lạt- Lâm Đồng uănh hun hao pâl nđaih tuch tăm mbra lah jâng ntơm khlay rgop ntru\t ntrôl n’gâng kan pâl nđaih hun hao nâp dăng lơn. Nô Nguyễn Văn Thành, an g^t:

            “Ta Đà Lạt a[aơ hun hao tuch tăm công nghệ mhe lah du trong r[o\ng n’hanh hao du\t dăng. Yor ăp ndơ ntru\p do\ng, rêng [ư rvăt n’glăp da dê, lơn lah ăp công nghệ mhe dơi dơi do\ng ngăn ta neh Đà Lạt. Păng le\ njêng luh du ndơ geh [ư pâl nđaih tuch tăm an Đà Lạt n’hanh năch pâl nđaih hăn tât ta aơ mbra g^t phâm lah tuch tăm công nghệ mhe”.

            T^ng nău nchroh bah n’gâng kan pâl nđaih n’gor Lâm Đồng, ntơm bah bôk năm tât a[aơ, ăp ntu\k pâl nđaih tuch tăm bah nkual [on têh Đà Lạt le\ wa\ch rgum hang rhiăng rbăn tơ\ năch pâl nđaih hăn uănh n’hanh rlong saơ. Nău dja an saơ, nău uănh khlay n’hanh ndơ\ pâl nđaih tuch tăm lăp do\ng lah du trong r[o\ng hăn ue\h, rgop ntru\t ntrôl n’gâng kan pâl nđaih- n’gâng kan wa\ng sa tơm bah Đà Lạt hun hao dăng lơn. Yơn lah, t^ng wa Nguyễn Thị Bích Ngọc, Groi giám đốc Sở Văn hoá, Thể thao n’hanh pâl nđaih n’gor Lâm Đồng, gay pâl nđaih tuch tăm jêng du ntil ndơ geh [ư ue\h n’hanh geh nău way kan ân dơi rgum an [ư âk trong nkra:

            “Tuch tăm công nghệ mhe bah Đà Lạt hun hao tâm bah ri aơ nơh jêng ndơ gay Đà Lạt- Lâm Đồng hun hao du ntil pâl nđaih mhe, wa\ch rgum du\t âk năch. Yor kơt nê| tâm let năp aơ tay, hun hao pâl nđaih tuch tăm lah nău u\ch tât n’hanh trong r[o\ng bah n’gâng kan pâl nđaih Lâm Đồng. Mpôl hên geh âk bôk nău kan gay n’hao dăng ntru\t nsôr ngăch, mbơh n’hơ an ntil pâl nđaih dja. Nkre kan nsum đah du đêt n’gâng kan dơi kan, n’gâng kan ta ntu\k gay ntrôl dăng rdâk njêng săk ntơ lư an pâl nđaih tuch tăm, nkre mbra dăn đă ntop kơl du gâl an ăp nhih pah kan mât do\ng pâl nđaih tuch tăm tâm ban kơt ntuh kơl ntu\k ntô ndơ do\ng, ntop kơl nt^m nti tơm nu^h kan, lơn lah ntop kơl pah kan ntru\t ntrôl ngăch, mbơh n’gơ ndơ geh [ư”.

            Đah ăp trong r[o\ng tâm ntop kơl, nta trong dơh gay ntil pâl nđaih mhe dja hun hao ăp to\ng bah n’gâng kan pâl nđaih Lâm Đồng, ndrel đah nău săk geh dăng tâm hun hao tuch tăm công nghệ mhe bah n’gor, trong leo [ư pâl nđaih tâm mir bah Đà Lạt- Lâm Đồng mbra geh âk nău mpo\ng gay hun hao nâng dăng tâm let năp aơ tay./.

Nu^h nchih rblang: Điểu Thân