VOV4.Mnông- Ntŭk kan mbơh nău mhe New Zealand an gĭt, Pháp kơt lah mô ŭch rmôt kan âk dak châu âu kan ndrel EU ơm lôch rơh tâm nchră gay ma hăn tât tâm ton nău kan tăch rgâl đăp mpăn đah dak aơ gay ma mô ƀư n’hao tay nău tŭn mpet đah ăp rơh săch kruanh Tổng thống ta khay poăn năm tay. Ăp kruanh n’gâng kan tăch rgâl bâh âk dak châu âu kan ndrel nchrăp rƀŭn nchră gay ma tâm nchră mpeh ăp rơh tâm nchră mpeh tâm ton tăch rgâl đăp mpăn bâh rmôt kan aơ. Tâm nĕ, Pháp kơt lah dôl ŭch ntrŭch tay rơh tâm nchră đah New Zealand n’hanh Chile tât lôch rơh săch kruanh Tổng thống Pháp ta khay 4/2022 gay ma mô dơi ƀư n’hao tay nău tŭn mpet đah ăp rơh săch kruanh aơ. Yơn lah, rlău ma Pháp, âk ngih dak kan ndrel châu âu êng hŏ ŭch ngăch lôch rơh tâm nchră mpeh nău tâm ton tăch rgâl đăp mpăn đah New Zealand.

Nuĭh rblang: Thị Đoắt