VOV4.Mnông--Hạ viện Libya ta mpeh luh nar lĕ geh mbơh luật săch kruanh lập pháp gay ma nchrăp an rơh săch kruanh nchrăp geh ƀư ta dŭt năm aơ. Đah nău kơl an bâh 70/75 đại biểu tât râng kan, Hạ viện Libya lĕ mbơh luật săch kan lập pháp kanŭng ê hŏ tŏng 1 khay lôch rnôk ntŭk kan aơ mbơh luật săch kruanh Tổng thống geh nău tâm rkeh geh kruanh Quốc hội Aguila Saleh ndơ̆ mbơh ma mô kâp nklăch phiếu. Nuĭh ntoh ngơi bâh Hạ viện Libya mbơh, ntŭk kan aơ lĕ ƀư lôch ăp nău ntrŭnh pháp lý khlay gay ma leo ƀư ăp rơh săch kruanh tổng thống n’hanh quốc hội nchrăp geh bư ta nar 24/12 tay. Luật săch kruanh mhe knơm ta ăp nău way bâh ăp rơh săch kruanh quốc hội aƀaơ. Kruanh Hạ viện Libya lĕ lah na nê̆ nău ntrŭnh luật rgâl mhe an ăp rơh săch kruanh tât tay mbra ƀư bah ngoăy tâm âk rơh geh nău tât jêrr ma Libya lĕ tă mâp.

Nuĭh rblang: Thị Đoắt