VOV4.M’nông – Tơm nău mhe tâm rnglăp nchră nău Nga an gĭt, gay n’hŭch oi duh jêr đah Nga n’hanh Mỹ, Tổng thống Nga Vladimir Putin n’hanh Tổng thống Mỹ Joe Biden mbra dơi mâp ndrel tâm khay 6 tât. Hãng thông tấn Nga RIA ndơ̆ nău nuĭh ntĭm nău kơl tâm rnglăp nchră nău Nga bah điện Kremlin, wa Yuri Ushakov an gĭt, aƀaơ Nga dôl uănh nău dăn đă ƀư Rƀŭn nchră gưl prêh Nga-Mỹ dơi Tổng thống Mỹ Joe Biden dăn đă mhe aơ. Nău ntrŭnh na nê̆ mbra ơm dơi mbơh knơm tâm âk nkô̆ nău n’hanh nu nău ngăn. Tam du nu nău geh tât, Kruanh nchră nău Nga Sergei Lavrov an gĭt đŏng, dăn đă ƀư rƀŭn nchră gưl prêh Nga-Mỹ dôl dơi geh âk nău mbơh uĕh n’hanh dôl dơi ăp ding geh tât nkah uănh. Bah năp nĕ, bôk khay aơ, Tổng thống Mỹ Joe Biden lĕ kuăl tâm nchră đah Tổng thống Nga gay n’hŭch duh jêr n’hanh pă lĕ dăn đă ƀư rơh tâm mâp đah 2 dak.

Nuĭh răk rblang: Y Sưng Phê Ja