VOV4.M’nông: Tĭng nau mbơh bah rnoh moh săk nau dơi ntul rlong gưl n’gor PCI năm 2020 bah Jrâu kan tăch rgâl Việt Nam mhe mbơh, 4/5 n’gor Tây Nguyên n’huch điểm rđil năm 2019. 3 n’gor Tây Nguyên tâm rmôt geh jêng bah năm 2019, geh 2 n’gor tŭp tâm dâng. 3 n’gor geh nau âk điểm nau dơi ntil rlong prêh, tâm rmôt âk bah năm 2019 lah Lâm Đồng, Gia Lai ndrel Dak Lak, ri năm aơ, knŭng Lâm Đồng geh tâm rmôt aơ, bol ma n’huch 1,8 điểm. Dak Lak ndrel Gia Lai, đah rnoh n’huch lah 1.59 ndrel 2.22 điểm, hŏ jur. Đah Gia Lai, nkô̆ lah yor nau kan bah ntŭk kan tăch rgâl n’huch ndrel nau nti pah kan n’huch. Kŏ tĭng nau mbơh nau ntul rlong gưl n’gor năm 2020, Tây Nguyên mô geh n’gor dăp tâm rnoh dêh, yơn geh 2 n’gor tâm rnoh dăch dŭt. Tâm nê, n’gor Dak Nông lah n’gor tâm Tây Nguyên geh hao điểm rđil năm 2019, đah nau hao 1,46 điểm, yơn hôm dăp dăch dŭt tâm nkuăl ndrel dăp dăch dŭt tâm rmôt geh oi bah lam dak./.

Nŭih rblang: H’Thi