VOV4.M’nông: Lơ 20/8, n’gâng kan dak si Thái Lan hŏ mbơh 19.851 nŭih mhe ndrel 240 nŭih khĭt yor srê Covid-19 tâm 24 mông rlau aơ, n’hao rnoh nŭih ntưp srê Covid-19 tâm neh dak Đông Nam Á aơ rlet rlau du rkeh. Tâm rnoh nŭih mhe geh ntưp mbơ lơ 20/8, geh 19.526 nŭih tâm ƀon lan ndrel 325 nŭih tâm ăp ntŭk ngih krŭng nŭih bah Thái Lan. Rnoh nŭih ntưp Covid-19 geh mbơh lĕ bah geh âk, âk rlau rnoh ntưp mhe tâm nar. Tâm 24 rlau, Thái Lan geh 20.478 nŭih ntưp srê Covid-19 bah ndrel luh bah ngih dak si. Kơp ntơm rnôk geh srê tâm bôk năm 2020, Thái Lan hŏ geh du rkeh 9 rbăn 710 nŭih ntưp srê Covid-19, tâm nê geh 795.805 nŭih bah ndrel 8.826 nŭih khĭt./.

Nŭih rblang: H’Thi