VOV4.Mnông- Rơh kahgĭt ƀon lan khĭt n’hanh cán bộ, tahen khĭt rnôk pah kan ta rơh nuh srê Covid-19 mbra geh ƀư ta rnôk 8 mông măng nar 19/11 ta 2 ntŭk nĕ lah Công viên thống nhất ta Hà Nội n’hanh hội trường Thống Nhất ta nkuăl ƀon têh Hồ Chí Minh. Ta Công viên Thống Nhất ta Hà Nội mbra geh 300 đại biểu, hôm ta Hội trường thống Nhất ta nkuăl ƀon têh Hồ Chí Minh mbra geh 1 rbăn đại biểu tat râng. Rlău ma nĕ, nkuăl ƀon têh Thủ Đức n’hanh ăp quận, nkuăl mbra geh ƀư ăp ntŭk tâm mâp bâh tivi uănh trực tiếp rơh ƀư kahgĭt ta Hội trường Thống Nhất. ăp ntŭk tâm mâp ƀư aơ geh klâp ma 100 đại biểu tât râng. Nkô̆ nău bôk nău kan ta Hội trường Thống Nhất geh: Mbơh n’hơ du đê̆ rup, phóng sự, ntoh ngơi bâh kruanh Ủy ban Trung ương MTTQ Việt Nam. Lôch nĕ, di 8 mông n’gul mbra geh ƀư nău way kahgĭt ƀon lan khĭt n’hanh cán bộ, tahen khĭt pah kan ta rơh ntưp srê Covid-19.

Nuĭh rblang: Thị Đoắt