VOV4.M’nông: Nkuăl ƀon têh Sam el sếch bah Ai cập ƀư rơh rƀŭn tal 9 bah Rmôt kan ăp dak kan nsum bah nau tâm ton bah lam ntur neh mpeh nau njrăng rdâng sa khâm ntơm lơ 13-18/12. Rơh rƀŭn năm aơ hŏ geh nau râng bah 144 dak, 5 nŭih rđau kan bah neh dak, 50 kruanh n’gâng kan ndrel 30 nŭih dâk bôk ăp ntŭk kan njrăng rdâng nau sa khâm tâm lam ntur neh ndrel rlau 2000 rbăn ntoh măt bah lam ntur neh. Aơ lah nau kan geh rnoh nŭih râng âk ngăn kơp ntơm sa ơm tât rnôk aơ, tâm nê, n’gul mra râng rƀŭn trực tuyến. Rơh rƀŭn nchră nau ƀư nau tĭng nau ton bah Liên hợp quốc mpeh nau njrăng sa khâm, nau kan njrăng sa khâm ndrel ƀư ăp nau nchâp đă mpeh pháp lý, tâm nchră mpeh nau njrăng rdâng sa khâm ndrel rgâl ueh mhe nau tâm boh bah lam ntur neh gay rklaih ueh ngăn ăp nau kan sa khâm ndrel sŏk kân lơi drăp ndơ./.

Nŭih rblang: H’Thi