VOV4.M’nông: Đăp mpăn ŭnh nar lah nkô̆ nau geh tât rơh rƀŭn gưl prêh LM Châu Âu (EU) ndrel Ukraina lơ 12/10. Ntoh nau ta nar rƀŭn nsum, Tổng thống Ukraina Volodymyr Zelensky lah rjăp, đăp mpăn ŭnh nar lah nau ueh ngăn ân nau kan đăp mpăn êng ndel ƀư tơm bah Ukraina, nkre mô mpôn nau rvê, bôk nau kan “Trong hoch Phương Bắc 2” mra ƀư nau nsing tâm ŭnh nar bah EU tâm Nga ndrel ndơ̆ luh tay ăp nau ntul rlong mhe đah Ukraina. Mpeh săk nơm, EU ton mra ƀư ăp nau kan rgum gleh ndrel jong năm gay ma ƀư đăp mpăn nau kan nsum đah ăp dak. Ngoai tâm ăp nau kan geh ndơ̆ luh lah ƀư rlŏ lơi nau kan pă ndơ, kơt lah ăp dak Châu Âu rvăt ndơ su bah Nga jêh ri ntrơn ân Ukraina. Yơn ah, nau kan aơ mra mô geh ntop kơl an ăp nau khuch mpeh tơm prăk ndrel nau kan chính trị dôl ma n’huch bah Ukraina./.

Nŭih rblang: H’Thi