VOV4.Mnông- Nar 21/10, ta thủ đô Tripoli bâh Libya lĕ geh ƀư rơh rƀŭn nchră lam ntur neh gay ma kơl an nău đăp mpăn Libya. rơh rƀŭn nchră đăp mpăn Libya geh nău tât râng bâh ndơn kan LHQ ndrel du đê̆ ngih dak n’hanh ntŭk kan lam ntur neh tĭng nău kuăl jă bâh kruanh n’gâng kan nchră nău đah dak bah dih tâm chính phủ njôt kan rơh dơn ngoăy ngih dak Libya, Najla Al-Manqoush. Nuĭh ntoh ngơi chính phủ Libya, Mohamed Hammouda nkoch mpeh nău leo ƀư rơh rƀŭn nchră lam ntur neh aơ lah du njoat hăn nsrôih n’hanh jŏ jong n’hanh mpơl na nê̆ nău an saơ ngih dak aơ dôl geh ăp njoat hăn nâp nâl mpŏng tât nău đăp mpăn. Rơh rƀŭn nchră gay ma lah na nê̆ nău khlăy an geh tâm ryơk nău ƀư tơm, đăp mpăn n’hanh lĕ rngôch nkual neh bâh Libya tâm ban kơt njrăng nău tât râng kan mô ueh bâh bah dih.

Nuĭh rblang: Thị Đoắt