VOV4.M’nông - Rơh tâm rlong ƀư Kruanh đảng Dân chủ Tự do (LDP), Nhật Bản ntơm tâm rnôk n’glêh dŭt. Tâm nar 28/9, rơh nklăch phiếu tâm dak yor bơi 1.100.000 đảng viên ƀư lôch jêh. Ta rwăch aơ, lah mô geh nuĭh dơi săch geh rnoh phiếu tŏng, ri 2 nuĭh dơi săch geh rnoh phiếu âk ngăn mbra dơi tâm rlong ta rơh nklăch phiếu yor ăp nghị sĩ Quốc hội ƀư tâm nar ôi taơ 29/9. Tât nar 28/9, 4 nuĭh dơi săch geh: wa Kishida Fumio, wa Kono Tara (Kruanh n’gâng kan nkra rgâl mât uănh chuh dak si), wa Takaichi Sanae (Kruanh N’gâng kan Nội vụ n’hanh Truyền thông ơm) n’hanh wa Seiko Nada (nuĭh ndơn măt Tổng thư ký đảng) hôm e mât nău mĭn êng nơm nsrôih râng rơh tâm rlong tât dŭt. 4 nuĭh dơi săch lĕ lôch jêh gưl tâm rlăch ta rlău du pơh bah năp. Nău mĭn êng bah ăp nuĭh geh âk nău êng êng mpeh ăp nău kan bah Nhật Bản. Yơn lah, geh ăp nău 4 nuĭh dơi săch lŏ tâm ban ŭch kơt rgum soan an nchăng n’gang chôt srê Covid-19.

Nuĭh rblang: Y Sưng Phê Ja