VOV4.M’nông: Di nkah 100 năm nar deh wa Lê Quang Đạo (8/8) ôi aơ, lơ 7/8, Học viện chính trị neh dak Hồ Chí Minh tâm rgop nsum đah Rnâng kan Tuyên giáo Trung ương, Văn phòng Quốc hội ndrel n’gor uỷ Bắc Ninh ƀư tâm nchră khoa học gưl neh dak đah nkô̆ nau “Wa Lê Quang Đạo đah nau kan cách mạng Việt Nam ndrel ƀon tơm Bắc Ninh”. Nau kan ndrel nau rêh bah wa Lê Quang Đạo geh nsum ma nau rgâl mhe têh ngăn ndrel jru ngăn bah neh dak tâm 60 năm dŭt rach năm 20. Rlet rlau âk nau kan, bol ma tâm moh nau kan, nau ƀư, wa mro nsôih, gơih ma nau kan, ƀư jêh nau kan geh jao. Đah nau kan lah Kruanh Quốc hội, wa hŏ rgop âk tâm nau leo trong rgâl mhe bah Đảng lăp tâm nau rgâl mhe bah Quốc hội, ngăn lah nau ntrŭt dăng nau kan ndâk njêng pháp luật gay ma ƀư ân dơi ăp nau ntrŭnh bah Đảng, tŏng dơi nau ŭch mât neh dak đah pháp luật./.

Nŭih rblang: H’Thi