VOV4.M’nông - Đảng Xã hội djôt bôk bah Tổng thống Venezuela Nicolas Maduro lĕ dăng rlơ̆ tay tâm rơh săch ta ntŭk ƀư ta dak aơ rnôk dơi djôt mât nău kan dâk bôk ta 20 rlău dĭng lĕ 23 bang. Tĭng jêh uănh bôk năp dơi Hội đồng săch ngih dak Venezuela mbơh, rnoh nuĭh ƀon lan hăn săch geh 41,8%, tâm ban nklăp 8 rkeh 100 rbăn nuĭh. Đảng djôt bôk lĕ dăng ta 20 bang, tâm rnôk ăp chính trị dun rlơn mât nău ƀư dâk bôk ta 3 bang ƀa ƀă. Jêh rnôk jêh dơi mbơh, Tổng thống Nicolas Maduro lĕ mbah rhơn nău dăng bah chính phủ n’hanh đảng djôt bôk. Rơh săch năm aơ geh nău groi nđôi bah ăp nuĭh uănh nđôi lam ntŭr neh bah Liên minh châu Âu.

Nuĭh rblang: Y Sưng Phê Ja