VOV4.M'nông: Nar ntri (6/8) ƀư Tâm nchră pơk sŏng dăng tâm ôp nău lư n'hanh nău tă ơm gĭt kan đah Đảng Cộng sản Việt Nam n'hanh Đảng Cộng sản Chi-lê. Wa Lê Hoài Trung, Ủy viên Trung ương Đảng, Kruanh Ban Đối ngoại Trung ương Đảng he wa  Claudio de Negri, Bí thư Trung ương Đảng, Kruanh Ban Đối ngoại Trung ương Đảng Cộng sản Chi-lê hŏ ndrel ƀư tơm Tâm nchră. Ta rnôk tâm nchră, wa Lê Hoài Trung lah rjăp Đảng Cộng sản Việt Nam way uănh khlay, ŭch rŏng ntrŭt ntrôl n'hanh ƀư jru hvi lơn đŏng tâm boh tâm rnglăp way ơm uĕh lăng đah Đảng Cộng sản Chi-lê. Tâm trôm bôk nău kan tâm nchră, ăp nuĭh ntơh măt bar đảng hŏ mbơh rblang ăp nău nsŏng kơl n'hanh nău tă ơm gĭt kan mpeh pah kan rdâk njêng đảng, dŏng ƀư geh nău tâm ban; nău tă ơm gĭt kan tâm hun hao wăng sa- rêh jêng kon nuĭh n'hanh lăp rgum dak bah dih tâm rnôk nô nău aƀaơ; dăn đă ăp trong nkra na nê̆ gay ntrŭt ntrôl lơn đŏng tâm boh đah bar đảng, bar dak tâm let năp tay./.

Nuĭh rblang: Điểu Thân