VOV4.M'nông: Ntŭk rgum mât uănh nô nău Covid-19 (CCSA) bah chính phủ Thái Lan hŏ n'glêh an mƀơk lhoi ăp nău mpăng đêt đah du đêt ntil ndơ rhŏ dŏng n'hanh rsong hăn ta 29 n'gor "gŭr mbu", lĕ ma thủ đô Bangkok. Ăp quy định mhe dơi ntŭk rgum kan CCSA an dŏng geh nău tam ntơm bah nar 01/9 tât aơ tay. Tĭng nê, mƀơk lhoi du đêt nău mpăng ta ăp n'gor, nkual ƀon têh hŏ ntrŏng năl ân kân njrăng dŭt n'hâm, lhăt lơn, way kuăl lah nkual "gŭr mbu", yơn lah, nău ntrŭnh lhăt ntơm bah 9h măng tât 4h ôi hôm dơi dŏng đŏng. Ăp ntŭk rgum tăch ndơ, ntŭk rgum rvăt năp, chợ ƀon lan, ntŭk tăch ndơ ơm nklâm dơh n'hanh ăp ntŭk tâm ban kơt nê mbra dơi pơk mpông tât 8h măng. Yơn lah, lĕ rngôch ăp nuĭh kan tăch ndơ ân chuh tŏng vaccine njrăng n'gang Covid-19 n'hanh rlău dơi uănh năl mham mbro./.  

Nuĭh rblang: Điểu Thân