VOV4.M'nông: Chính phủ Thái Lan hŏ ŭch an nău dak dja râng ăp rơh tâm nchră mpeh nău tâm ton dah rŏng tăch rgâl đah ASEAN n'hanh Canađa đah nău mpŏng pơk mpông rlong tăch rgâl lăp tâm Bắc Mỹ. Groi nuĭh ntơh ngơi chính phủ Thái Lan an gĭt, ăp nău dăn đă bah Bộ Thương mại mpeh nău Thái Lan lăp tâm nchră FTA đah ASEAN n'hanh Canada hŏ ŭch dơn. Nchrăp, lah geh nău dơi tâm ton dja mbra kơl GDP Thái Lan mbra hao tay 7,6 rmen đôlar n'hanh buăt nthoi rêng pă an ndơ tăch bah dak dja đah nkual Bắc Mỹ. aơ mbra lah buăt nthoi lor bôk năp bah Thái Lan đah nkual săk geh âk dja. Thái Lan aƀaơ  râng 13 nău tâm ton dah rŏng tăch rgâl đah 18 dak n'hanh nkual neh tâm nê geh ăp ntŭk tăch rgâl têh kơt Trung Quốc, Ấn Độ, Nhật Bản... đah nău ƀư lah dak lăp kan nsum bah ASEAN.

Nuĭh rblang: Điểu Thân