VOV4.M’nông – Thái Lan lĕ ntơm tâm rnôk rlong ta nuĭh vaccine njrăng Covid-19 yor dak aơ nkra njêng n’hanh hun hao. Nchrăp, ntil vaccine tâm dak Thái Lan mbra dơi dŏng bôk năm tât, lah jêh rlong dơi ƀư tĭng di trong nchrăp. Ntil vaccine tâm dak bah Thái Lan dơi hun hao yor Ngih pah kan dak si Chính phủ Thái Lan (GPO), tâm rgop đah Khoa Y học nhiệt đới ta ngih sam ƀŭt Đại Học Mahidol n’hanh du đêt rmôt kan bah dih chính phủ Mỹ. Tĭng trong nchră, mbra geh 460 nuĭh dơi săch gay râng tâm rnôk rlong, tâm nĕ geh 210 nuĭh mbra dơi râng tâm lvang 1, lvang 2 mbra ntơm tâm khay 7 tât n’hanh jêh rlong mbra dơi mbơh ta dŭt năm aơ. N’gâng kan Thái Lan dôl geh nău rƀŏng chuh an nklăp 50% rnoh nuĭh tâm dak aơ ta dŭt năm aơ.

Nuĭh rblang: Y Sưng Phê Ja