VOV4.M’nông – Nar 29/3, Thủ tướng Australia Scott Morrison mbơh nsŏng rgâl chính phủ jêh geh âk nău ntôn ƀư khuch tât nsing nơm bah Chính phủ tâm rnôk dăch aơ. Thủ tướng Morrison an gĭt, ăp ntŭk kan chính phủ mbra rgâl lah Kruanh n’gâng kan mât njrăng bri dak, Kruanh N’gâng kan Tư pháp, Kruanh N’gâng kan tâm boh công nghiệp, Kruanh n’gâng kan Nội vụ, Kruanh n’gâng kan Công nghiệp, Kruanh kan kan nău kan pah. Ntoh ngơi ta tivi Thủ tướng Morrison lag: Ăp nău rgâl tâm ntŭk kan chính phủ aơ mbra kơl chính phủ dơi geh âk nău rgâl ma he ŭch. Pơng kơl mât n’hâm soan n’hanh geh na nao kơt nău đăp mpăn Australia ŭch jêh rnôk he rklaih luh srê covid-19 n’hanh roh hŭch. Bah meng nău nsŏng rgâl chính phủ, Thủ tướng Morrison lĕ mbơh du rut ăp bôk nău kan ntrôl bu ur dơi jŭt jăng nău dun bah ƀon lan.

Nuĭh rblang: Y Sưng Phê Ja