VOV4.M’nông: Thủ tướng Campuchia Hun Sen mbơh, ăp nau kan nchrăp hŏ jêh ndrel mra hăn tât Mỹ gay ma mâp Tổng thống Joe Biden tâm khay 2 năm tât. Nau ton lah aơ geh Thủ tướng Hun Sen ndơ̆ luh tâm nau kan geh ƀư tâm n’gor Can-đal. Thủ tướng Hun Sen mbơh, Mỹ ŭch ƀư rơh rƀŭn gưl prêh ASEAN-Mỹ tâm khay 1 tât yơn yor săp rđau kan ASEAN mô ru tâm rnôk aơ ri ma rơh rƀŭn mra geh ntrơn tât khay 2. Rnôk aơ ăp nau nchrăp nau kan hŏ ƀư ueh ndrel păng mra tât dak Mỹ gay ma tâm rgop nsum ma Tổng thống Joe Biden ƀư tơm nar rƀŭn aơ. Êp nê, nŭih ntoh ngơi bah Chính phủ Campuchia mbơh, Campuchia năm tât mra ƀư Kruanh tâm pleh bah ASEAN. Ndri ma, nau kan Campuchia ƀư tơm nar rƀŭn gưl prêh ASEAN-Mỹ rơh aơ lah nau kan bah Campuchia ndrel tâm di đah nau kan tâm nchră âk ding bah dak aơ dôl ma tĭng./.

Nŭih rblang: H’Thi