VOV4.Mnông- Tĭng nău mbơh bâh chính phủ Nhật Bản, Thủ tướng Nhật Bản nchrăp mbra tât khâl Mỹ ta dŭt khay aơ ê lor lôch năm kan. Rơh tât khâl Mỹ aơ ƀư tĭng di rơh rƀŭn nchră gâl têh bâh 3 dak têh geh Nhật Bản, Mỹ, Australia n’hanh Ấn Độ geh nău ŭch rƀŭn nchră ta Mỹ. Aƀaơ ta n’gâng kan Tổng thống Mỹ dôl uănh rgâl nău pah kan, Lah rơh rƀŭn nchră aơ geh ƀư rĭ bôk nău tơm mbra geh rgum nkoch mbơh lah nău ƀư tĭng ta nkual Ấn Độ Dương đăp mpăn êng n’hanh pơk hvi, ntrong kan njrăng rdâng nuh srê Covid-19...4 dak têh kuăng dôl ntrôl nău tâm kơl ta ăp nău tơm khlăy kơt lah rnă njrăng trong dak lêng tâm rnôk geh ăp nău mbơh ƀư tơm mô tâm di bâh Trung Quốc ƀư jêng geh âk nău mô đăp mpăn ta Biển Đông n’hanh dak lêng Hoa Đông tâm âk năm ba năp.

Nuih rblang: Thị Đoắt