VOV4. M’nông: Du tơm nău lư chính phủ Nhật Bản nar ntri (30/3) an gĭt Nhật Bản n'hanh Mỹ dôl dăp rgum rơh hop gưl têh tâm nar 9/4 tât ta Washington, Mỹ đah Thủ tướng Nhật Bản Yosshihide Suga n'hanh Tổng thống Mỹ Joe Biden. Aơ mbra lah rơh mâp lor bôk năp bah Tổng thống Joe Biden đah du hê kruanh rđău kan dak bah dih kơp ntơm bah rnôk dơn nău kan tâm khay 1/2021. Tĭng hãng tin Kyodo bah Nhật Bản, rơh mâp gưl têh Mỹ - Nhật Bản dơi mpŏng kâp mbra tâm nchră mpeh âk nkô̆ nău rnă njrăng ta nkual, tâm nê geh ăp nău kan hao âk bah Trung Quốc ta ăp nkual dak lêng tâm nkual, nkô̆ nău hạt nhân ta gôl dak Triều Tiên n'hanh rdâng lơh đah rgâl duh nđik trôk nar. Mpôl treng nđôi nău kan uănh năl rơh mâp gưl têh đah Thủ tướng Nhật Bản n'hanh Tổng thống Mỹ lah rnôk rdâk tay tâm rgop dăng Nhật Bản- Mỹ; pơk hvi tâm boh đah bar dak gay rdâng lơh đah nuh srê Covid-19.

Nuĭh rblang: Điểu Thân