VOV4.M'nông: Nar 3/11, tâm rnôk hăn khâl Anh n'hanh râng tâm nchră tâl 26 ăp ding râng tâm ton Rpaih bah Liên Hợp Quốc mpeh rgâl duh nđik trôk nar ta dak Anh, Thủ tướng Nhật Bản Kishida Fumio hŏ geh rơh rgum nchră đah Tổng thống Mỹ Joe Biden. Bar ding hŏ tâm ôp mpeh nô nău ta nkual, rdâng lơh đah tât khuch bah rgâl duh nđik trôk nar lơh, nkre ntrŏng trong kan rdâk têh dăng tay đŏng tâm boh băl mpôl bar dak, tâm ban ŭch n'hao dăng tâm boh bar ding tâm nău tĭng ƀư trong kan têh jong Ấn Độ-Thái Bình Dương dah rŏng n'hanh pơk hvi. Thủ tướng Kishida Fumio an gĭt, hŏ mpơl nău ŭch rŏng đah Tổng thống Mỹ Joe Biden mbra ơm khâl Mỹ tâm năm aơ n'hanh ƀư du rơh rgum nchră ngăn, nkre lah rjăp n'gu tơm tâm trong kan tâm boh dak bah dih bah Nhật Bản lah băl mpôl Nhật Bản- Mỹ./.

Nuĭh rblang: Điểu Thân