VOV4.M’nông: Tâm nau ntoh ngơi rnôk dôl ƀư Kruanh APEC 2022 jêh rnôk ndơn nau jao tă bah New Zeland, Thủ tướng Thái Lan Prayuth mbơh, aơ lah nau ueh gay ma dak aơ pơk tay ndrel ntrŭt dăng nau ndâk jêh rnôk bah srê Covid-19. Rơh rƀŭn bôk năp bah APEC mra geh ƀư ta Phu-ket ntơm bôk khay 12 năm aơ. Nau kan Thái Lan vơt năch tât đah năm APEC bah dak aơ ntoh nau mra pơk tay mpông bah neh dak. APEC lah ntŭk tâm nchră văng sa bah nkuăl ma Thái Lan lah ngoai tâm ăp nŭih ndâk njêng. Tĭng Thủ tướng Thái Lan, đah nau dơi lah dak kan nsum bah APEC, Thái Lan hŏ geh kơl an âk ntil bah ntrong n’hao nau tâm boh kan nsum văng sa têh, leo ăp nau ndơn mhe gay hun hao nâp nâl ndrel ăp ntil bah neh dak, ngăn lah nau kan mrô./.

Nŭih rblang: H’Thi