VOV4.M’nông - Thủ tướng Quốc vụ viện Trung Quốc Lý Khắc Cường mhe geh rơh mâp măt trực tuyến đah Thủ tướng Angela Merkel. Thủ tướng Trung Quốc Lý Khắc Cường uănh lah prêh nău wa Merkel ntrôl dăng kan ndrel kơt tâm rgâl ta âk nău kan đah Đức n’hanh Trung Quốc. Nkre an gĭt Trung Quốc n’hanh Đức ton pơk hvi nău uĕh nsum bah 2 ding tĭng nkô̆ nău tâm ban n’hanh ndrel geh. Thủ tướng Trung Quốc an lah, nău đăp mpăn n’hanh hun hao bah tâm boh Trung Quốc-Đức dŭt âk tă bah 2 dak mĭn nău kơl tâm ban n’hanh kan ndrel tam, tâm ryơk ndrel n’hanh mkra di ăp nău m’ha êng, ƀư tĭng nău kơl ăp dĭng n’hanh ndrel rlet rlău ntŭl rlong. Trung Quốc mbra kan ndrel đah Đức ƀư jru lơn nău geh kan ndrel, ntrôl nău đăp mpăn n’hanh hun hao jŏ jŏng bah tâm boh Trung Quốc n’hanh Đức.

Nuĭh rblang: Y Sưng Phê Ja