VOV4.Mnông- Thượng viện Mỹ mhe an dŏng kan đah wa Thomas Nides ƀư Đại sứ Mỹ ta Israel. Wa Nides ta năp nĕ lĕ geh Tổng thống Biden săch an nău kan aơ. Wa Nides lah giám đốc leo kan n’hanh groi kruanh ngân hàng Morgan Stanley ê lor geh Tổng thống Biden săch ƀư Đại sứ Mỹ ta Israel, du dak kan ndrel dăch bên bâh Mỹ ta Trung Đông. Wa Nides lĕ tă mât leo âk nău kan khlay ta ăp ngân hàng têh êng n’hanh tă lah groi kruanh n’gâng kan nchră nău đah dak bah dih mât nău kan mât uănh n’hanh ăp rnoh nuĭh kan bâh năm 2010 tât 2013. Wa tă lah ngoăy tâm đê̆ nuĭh geh săch Đại sứ bâh Tổng thống Biden geh tâm di yor nuĭh kan ndrel đảng Cộng hòa lĕ ƀư mbrơi nău an dŏng kan ăp nuĭh kan yor Tổng thống mbơh đă.

Nuĭh rblang: Thị Đoắt