VOV4.M’nông – Văn phòng Tổng thống Israel an gĭt, Tổng thống Israel Isaac Herzog pơh bah năp lĕ mpôn êng tât Jordan n’hanh rơh mâp đah kđăch Abdullah ta thủ đô Amman. Rơh khâl dơi ƀư tĭng nău jă bah Kđăch dak tơm jay lĕ an saơ uĕh bah nău tâm boh Israel-Jordan dôl dơi rgâl na nê̆. Tâm rơh rgum nchră, 2 ding lĕ tâm nchră mpeh âk nău chính trị n’hanh wăng sa đah 2 dak n’hanh bah nkual. Tổng thống Israel uănh lah prêh nău nsrôih bah ăp dak Arập tâm nău rgâl uĕh tâm boh đah Israel, uănh khlay nău tơm bah Jordan tâm nkual. Israel n’hanh Jordan lĕ ndâk njêng tâm boh năm 1994 n’hanh geh nău tâm boh rnă njrăng rhăt jăp. Yơn lah, tâm boh tâm rnglăp nchră nău lĕ jêng duh jêr tâm ăp năm dăch aơ yor duh jêr geh tât ƀư tơm nkual ƀon têh Jerusalem nău Israel pơk hvi ăp nkual gŭ bah nuĭh Do Thái ta Bờ Tây geh rŭn in.

Nŭih rblang: Y Sưng Phê Ja