VOV4.M'nông: N'gâng kan mhe bah Iran uănh khlay nău rdâk njêng tâm boh jru hvi đah ăp dak tâm kâng n'har. Aơ lah nău mbơh gĭt lor dơi tổng thống mhe bah Iran, wa Ebrahim Raisi ndơ̆ luh tâm rơh mâp đah mpôl đă hăn kan ăp dak dôl geh măt ta thủ đô Tehran gay râng lễ dơn kan bah wa Raisi ƀư tâm nar ntri (05/8). Tâm rơh mâp đah Kruanh Hạ viện Uzbekistan, wa Raisi lah rjăp nău njêng trong tâm dâl jru hvi đah ăp dak tâm kâng n'har lah ngoăy tâm ăp nău way khlay tâm trong kan tâm boh dak bah dih bah n'gâng kan mhe. Tâm rơh mâp đah Ngoại trưởng Oman, wa Raisi lah rjăp Iran ndơ̆ rnoh tât hun hao tâm boh đah Oman ta lĕ rngôch ăp trong kan chính trị, wăng sa, rêh jêng kon nuĭh n'hanh văn hóa. Ta rơh mâp đah Kruanh Hội đồng Đại biểu Tajikistan, wa Raisi mpơl nău ŭch rŏng ntrôl dăng tâm boh đah Iran, Tajikistan n'hanh Afghanistan đah nău ƀư lah pe dak ngơi nău Ba Tư.

Nuĭh rblang: Điểu Thân