VOV4.M’nông – Tổng thống Mỹ Joe Biden nar 9/6 lĕ hăn châu Âu, ntơm rơh khâl dak bah dih bôk năp kơp bah rnôk dơn kan ta dŭt khay 1 mhe rlău. Anh lah ntŭk rlu jâng bôk năp tâm khâl 8 nar bah Tổng thống Joe Biden ntŭk pơng mbra râng rƀŭn nchră gưl prêh ăp nuĭh kruanh rmôt G7 bah 11/6 tât 13/6. Nkô̆ nău rơh rƀŭn nchrăp rgum tâm du đêt nău geh tâm rnglăp nchră Vaccine, tăch rgâl, trôk nar n’hanh mĭn ƀư mhe ndâk njêng tay ntung trong ngih wâl ta ăp dak dôl hun hao. Jêh Anh, Tổng thống Biden mbra tât Brussel, Bỉ, gay đah kruanh NATO n’hanh Liên minh châu Âu tâm nchră âk nău nchrăp geh Nga, Trung Quốc n’hanh bônh jă ăp dak NATO rgop tay tơm prăk an mât njrăng bri dak. Ntŭk n’glĕ dŭt bah rơh khâl dak bah dih bôk năp bah Tổng thống Biden lah Genenva, Thụy Sỹ, ntŭk pơng mbra geh rơh mâp đah Tổng thống Nga Vladimir Putin nar 16/6 tât.

Nŭih rblang: Y Sưng Phê Ja