VOV4.M’nông - Tổng thống Mỹ Joe Biden lĕ ký uănh an dự luật nău kơl mât njrăng bri dak năm 2022 khlay 768 rmen đôlar, tâm nĕ geh tơm prăk gay mbơh ƀư ăp trong mkra ât nkân Nga, yơn mô geh ăp trong rmal đah nău nchrăp ƀư “Trong hoch phương Bắc 2”. Tĭng nău mbơh bah chính phủ Mỹ, tơm prăk an N’gâng kan mât njrăng bri dak Mỹ năm 2022 lah 740 rmen đôlar, âk lơn 20 rmen đôlar nkôp đah dăn đă bah Tổng thống Mỹ bah năp nĕ. Đạo luật Mât njrăng bri dak năm 2022 nchrăp tâm pă nklăp 300 rkeh đôlar gay ntop kơl tahen an Ukraina, tâm nĕ đêt ngăn 75 rkeh đôlar dơi an ăp ndrăk nsiu tahen.

Nuĭh rblang: Y Sưng Phê Ja