VOV4. M’nông: Tổng thống Mỹ Joe Biden mhe ndơ̆ luh nău mbơh njrăng lor kloh rvah mpeh nău ngăn geh nuh srê Covid-19 lam dak, nkre rblang an lah ăp nuĭh geh ntưp ji n'hanh lăp nhih dak si hao âk tay đŏng bol ma ăp rnoh ngăch hŏ dơi geh tâm nău chuh n'gang. Tâm nău lah ta Nhih klo kêng măng 6/4, Tổng thống Mỹ Joe Biden mbơh 150 rkeh dĭng vaccine njrăng n'gang Covid-19 ăp ntil hŏ dơi dŏng lôch 75 nar păng hao mât bôk. Tổng thống Joe Biden an gĭt đŏng tât nar 19/4, lĕ rngôch ăp bang dơi pă an vaccine njrăng n'gang nuh srê Covid-19 an nuĭh hŏ têh kuâng da dê. Wa Joe Biden nkre mbơh Chính phủ liên bang mbra ntuh kơl bơi 10 rmen đôlar gay pơk hvi uănh năl, săm ji n'hanh chuh n'gang an ăp ƀon lan aƀaơ mô hŏ dơi rhŏ dŏng./.

Nuĭh rblang: Điểu Thân