VOV4-Mnông- Mpôl leo kan Nga nar nău 17/12 an gĭt vacxin bâh dak aơ Sputnik-V geh dơi njrăng rdâng tay đah ntil kaman Omicron, yơn rnoh mbrô na nê̆ mbra geh ăp nuĭh kan khoa học Nga mbơh tâm pơh let năp tay. Tâm nău ntoh ngơi ta Đại hội rmôt kan ndrel ăp nuĭh kan công nghiệp n’hanh doanh nghiệp Nga, Tổng thống Nga Vladimir Putin an gĭt Vacxin Nga Sputnik-V tam lơn đah ăp ntil vacxin êng tâm nău njrăng rdâng Omicron. Nuĭh leo kan Điện Kremlin lĕ lah na nê̆ an lah Nga mbra pă vacxin an ăp dak êng gay ma chuh n’gang, geh nđâp an ăp dak châu Âu. Tâm rnôk nĕ, groi Thủ tướng Nga, wa Tachiana Golikova mbơh an lah Nga kơp dơn 25 nuĭh ntưp rgâl săk Omicron ta ăp nkual ta thủ đô Moscow, nkuăl ƀon têh Saint-Petersburg n’hanh Rostov-on-Don.

Nuĭh rblang: Thị Đoắt