VOV4.M’nông - Tổng thống Nga Vladimir Putin nar nđaơ 2/11 lĕ uănh lah prêh tâm ton bah ăp dak mpeh lôch nău phah bri tâm năm 2030. Tổng thống Putin lah rjăp mât njrăng bri n’hanh trong si glê neh ntu ơm lah nkô̆ nău khlay gay n’hŭch rgâl duh nđik trôk nar. Tổng thống Nga lah rjăp, 20% rnoh neh bri bah lam ntŭr neh geh tâm neh ntu Nga n’hanh dak aơ dôl ntuh kơl gay mât njrăng rnoh neh bri, kơt ntrôl dăng ăp trong rdâng đah nu nău phah bri n’hanh nking n’gang ăp nău ŭnh sa bri. Bah năp nĕ, tâm rnôk rƀŭn nchră rơh tal 26 ăp ding râng Công ước nsum bah Liên hợp quốc mpeh Rgâl trôk nar duh nđik (COP26) ta Anh, rlău 100 nuĭh kruanh lam ntŭr neh lĕ ton nching n’gang n’hanh ntrôl rŭch nău phah bri kơt nău roh neh ta dŭt rach năm aơ, tă bah nău rgop 19 rmen đôlar tâm tơm prăk nkrem ntuh kơl mât njrăng n’hanh rdâk hao jêng bri.

Nuĭh rblang: Y Sưng Phê Ja