VOV4.M'nông: Tổng thống Palestine Mahmoud Abbas mhe geh rơh mâp Bộ trưởng Quốc phòng Israel Benny Gantz ta nkual ƀon têh Ramallah ta Bờ Tây. Aơ lah rơh mâp dŭt têh đah bar ding kơp ntơm bah rnôk Israel geh chính phủ mhe rnôk khay 6 mhe aơ. Tâm rơh mâp, Bộ trưởng Quốc phòng Israel an gĭt, dak dja mbra geh ăp njuat hăn ndrel rdâk tay jâng wăng sa an Palestine. Bar ding tâm nchră mpeh nău ntrŏng năl ăp nkô̆ nău đăp mpăn wăng sa ta Bờ Tây n'hanh dải Gaza. Hôm tĭng nău năl bah du hê kruanh gưl têh bah mpôl phatah bah Tổng thống Palestine Mahmoud Abbas, rơh mâp dja hŏ tâm nchră "mpeh ăp ntil" bah tâm boh bar ding. Rơh mâp ƀư tâm rnôk ăp rơh tâm nchră đăp mpăn Trung Đông geh mbrơi nkai jŏ jong./.

Nuĭh rblang: Điểu Thân