VOV4.M’nông: Tổng thống Pháp Emmanuel Macron hŏ tât khâl nkuăl ƀon têh ơm Mosul bah Iraq tâm nar hăn khâl tal bar tâm neh dak Trung Đông aơ. Ta Mosul, wa Macron hŏ tât khâl ngih brah Al Nuri, du ntŭk ngih brah gegh nau khlay ngăn dôl ma geh ndâk nkra nâp tay jêh ntŭk kan phung Islam sơm êng săk IS lơh khuch rnôk mô geh nau dơi. Tă bah aơ, Tổng thống Pháp ton mra tâm kơl ngăn đah Chính phủ Iraq ndrel ăp dak tâm nkuăl gay ma njrăng rdâng lơi phung nŏng êng, nkre ton lah mra kơl an neh dak Iraq nau kan ndâk tay. Jêh rnôk hăn khâl Mosul, Tổng thống Pháp hŏ tât nkuăl mât njrăng êng bah rnoi Cuốc tâm n’gor Irbil, mpeh ba lơ Iraq, mâp rđau kan tâm nkuăl ndrel ôp khâl ăp rnăk vâl nŭih geh băl mpôl geh phung rlăng IS lơh khĭt, lŏ ƀư ân lôch jêh tay rơh khâl 2 nar tât Iraq./.

Nŭih rblang: H’Thi