VOV4.M'nông: Văn phòng Chính phủ Mỹ mbơh Tổng thống Mỹ Joe Biden nar 01/9 mbra mâp Tổng thống Ukraine, nkai lơn du nar rđĭl đah trong nchrăp bôk năp. Rơh mâp đah Tổng thống Joe Biden  n'hanh Tổng thống Ukraine Volodymyr Zelenskiy geh ntruch tay bar nar tă bah Tổng thống Mỹ ân groi nđôi pah kan rdâng lơh đah phŭt Ida n'hanh nău rhuăt tahen luh bah Afghanistan. Nău mbơh bah Văn phòng chính phủ Mỹ lah rjăp, hăn khâl bah Tổng thống Ukraine gay an mpơl tay nău kơl mô rgâl bah Mỹ đah ƀư tơm n'hanh lam lĕ rngôch neh dak bah Ukraina ta năp ăp nău kan jreh nuih bah Nga. Bar ding mbra tâm nchră mpeh rnă njrăng ŭnh nar tâm ban kơt nău kơl bah Mỹ đah nău nsrôih bah Tổng thống Volodymyr Zelensky gay rdâng lơh đah sa khâm n'hanh tĭng ƀư bôk nău kan rgâl bah he./.

Nuĭh rblang: Điểu Thân