VOV4.M'nông: Tổng thống Venezuela Nicolas Maduro nar ntri (16/8) an gĭt, păng ŭch tâm nchră na nê̆ đah Mỹ, lôch tâm nkoch bri đah mpeh dâk lơh ta nkual ƀon têh Mexico City. Ta ăp rơh tâm dâl nău đah chính phủ Venezuela n'hanh mpeh dâk lơh, ngoăy tâm ăp nău đă bah chính phủ Venezuela lah ntlơi jăng ăp nău ntrŭnh rmal jâng wăng sa bah dak bah dih. Tĭng Tổng thống Maduro, gay ăp rơh tâm dâl nău mpeh dâk lơh ân tâm ton geh nău nsing nơm, wa Maduro ŭch tâm nchră đah Mỹ tâm nê geh nău đă ntlơi ăp nău ntrŭnh rmal ma Mỹ n'hanh châu Âu nchâp đă đah dak dja. Ta rơh hop ta Mexico City, ăp ding hŏ tâm rkhăch mpeh nău njêng nău way trong nsŏng kơl đah mpeh mpôl chính trị n'hanh rêh jêng kon nuĭh, nkre ton tĭng trong tor gĭt lor hŏ dơi tâm ban ŭch, ân mĭn di na nê̆ tâm ăp nău lah geh tât trong hăn tâm nchră./.

Nuĭh rblang: Điểu Thân