VOV4.Mnông- Ntŭk kan mbơh nău mhe KCNA, Triều Tiên nar aơ 13/9 ndơ̆ nău, dak aơ mhe geh ƀư dơi ăp rơh rlong pănh grăp phao ŭnh lot ngai ta dŭt pơh ba năp. Nău mbơh nkoch ăp grăp phao ŭnh nkoch ăp grăp phao ŭnh rlong mpăr 1 rbăn 500km ê lor geh pănh sŏng ta ntŭk n’hanh tŭp ta nkual neh dak bâh Triều Tiên. Rơh rlong geh ƀư dơi, bâh nĕ uănh nđôi ăp ntil grăp phao ŭnh, rnoh mbrô geh ntrôl bâh măt neh, trong rbet n’hanh leo trong mpăr, tâm ban kơt uănh nđôi nău dăng bâh bôk ndrak. Nău n’hao grăp phao ŭnh geh nău khlăy, kơl an Triều Tiên mât du ntil ndơ dŏng săk rnglăy gay ma mât đăp mpăn rnă njrăng ngih dak an đăp mpăn ueh knơm lơn n’hanh njrăng ăp nău kan tahen bâh ăp dak êng.

Nuĭh rblang: Thị Đoắt