VOV4.Mnông- Trung Quốc mhe geh mbơh dăn lăp kan ta ntŭk kan ndrel nău wăng sa Kĩ thuật mbrô (DEPA), ngoăy tâm âk nău tâm ton lam ntur neh geh njêng ăp ntrong kan geh gĭt dăch n’hanh tâm kơl tâm ăp nău tăch rgâl rnoh mbrô. Ntoh ngơi bâh video ta rơh rƀŭn nchră gâl têh rmôt ăp n’gâng kan wăng sa hun hao n’hanh mhe ntoh bôk năp lam ntur neh G20, kruanh Trung Quốc Tập Cận Bình an gĭt, dak aơ uănh khlăy nău tâm kơl lam ntur neh mpeh nău wăng sa kĩ thuật mbrô n’hanh ŭch dăn lăp kan ndrel mpeh nău wăng sa kĩ thuật mbrô (DEPA). Păng lah na nê̆, Trung Quốc mbra ndrel đah ăp ding ntrôl nău hun hao têh ueh n’hanh geh nău đăp mpăn bâh n’gâng kan wăng sa kĩ thuật mbrô. DEPA lah nău tâm ton geh kí đah nău tâm rgop Singapore, Chile n’hanh New Zealand ta khay 6 năm 2020 gay ma njêng nău dơh nơih an nău tât râng wăng sa n’hanh tăch rgâl ta rơh rnoh mbrô mhe.

Nuĭh rblang: Thị Đoắt