VOV4.M’nông – Ta năp nău rdôl lơh bah ăp ntil Sars-CoV-2, n’hanh nău n’hao ngăch chuh ta nkual ƀon têh, Trung Quốc dôl ntrôl ngăch nău ƀư ndơ̆ vaccine Covid-19 sĭt ăp nkual ƀon lan đah âk trong ƀư. Ndơ̆ an dơm, tâm pă ndeh chuh hăn ăp ntŭk n’hanh but uănh tay jay.... lah trong âk ntŭk ta Trung Quốc dôl kơt dŏng gay ngăch jêh nău ŭch chuh vaccine Covid-19 mô knŭng ta nkual ƀon têh, ma n’ăp ƀon lan. Đah du trong ƀư êng, ăp ngih pah kan ngih dak bah quận Tây Lăng ta nkual ƀon têh Nghi Xương bah n’gor Hồ Bắc lĕ rgâl 68 bôk ndeh jêt jêng ndeh wơt njŭn chuh vaccine. Tât aƀaơ, Trung Quốc lĕ chuh geh rlău 2 rmen ding vaccine Covid-19, đah 76% rnoh nuĭh lĕ jêh nglai chuh bôk năp, rlău 63% nuĭh ƀon lan lĕ chuh tŏng rnoh dĭng.

Nŭih rblang: Y Sưng Phê Ja