Ăp đaị biêủ rgum tâm nchră, uănh rnê nău leo ƀư n’hanh pah kan bâh mpôl kan ntrŭt nsôr tuch tăm ta ntŭk rêh jêng lôch rnôk mô hôm geh ntŭk kan gưl nkuăl, geh nău kan ntrŭt nsôr nti tuch tăm ta ntŭk geh pă kan tay. Âk nău tâm rgop mbơh na nê̆, lah mô ơm ƀư lôch nău kan tâm rgop, mât đăp mpăn rnoh kan an tâm di, nău kan ntrŭt nsôr nti tuch tăm mbra geh tăch proăt, jêr ma n’hao nău ƀư tơm đah ƀon lan kan lŏ mir, hợp tác xã n’hanh doanh nghiệp. Ntoh ngơi nglôch lôch tâm nchră, Giám đốc ntŭk kan khuyến nông ngih dak Lê Quốc Thanh lah na nê̆ nău ŭch rgâl mhe mĭn mhe ntrŭt nsôr tuch tăm tĭng trong wăng sa tuch tăm, sŏk ntŭk tăch rgâl ƀư nău mpŏng,k sŏk săk rnglăy n’hanh nău geh bâh ƀon lan ƀư nău veh kơp, kơl an ƀon lan kan lŏ mir geh gĭt tât nău tăch ndơ ăp nar bâh ntơm geh pah kan jan sa.