Rmôt cà phê Buôn Ma Thuột dôl rgŏ jă nau tâm rlong Vâr cà phê Việt Nam- 2025. Aơ lah rơh tal 2 nau tâm rlong geh ƀư, ŭch mra lah “ntŭk pâl” ân ăp nŭih ŭch rŏng ma nau vâr cà phê, rgop nau n’hao nau nâp kah cà phê vâr bah Việt Nam. Rơh tâm rlong vâr cà phê Việt Nam-năm 2025, ndơn hồ sơ đăng ký tât lôch lơ 10/2/2025. Rơh tâm rlong mra ntơm lơ 10//3/2025, mbơh nau geh ndrel pă nau nkhôm tâm lơ 13/3/2025, di rnôk Lễ hội cà phê Buôn ma Thuột tal 9. Nŭih râng tâm rlong lah nŭih Việt Nam ntơm 18 năm hao gŏ lơ, dôl rêh ndrel pah kan tâm neh dak Việt Nam.

Ăp nŭih tâm rlong mra geh âk nkô̆, geh: Ndơn grăp cà phê ndrel ntơm vâr; mơng ma máy vâr, ndŏ mbơh nau nchrăp vâr ndrel bảng nkoch mbơh nau kah bah ndơ nơm ntơm vâr...wa Trịnh Đức Minh-Kruanh rmôt cà phê Buôn Ma Thuột mbơh, n’gor Dak Lak dôl nsôih hun hao Buôn ma Thuột jêng nkuăl ƀon têh Cà phê bah lam ntur neh, êp nau ƀư rjăp mpeh rnoh neh tăm, rnoh geh âk play ri rnoh kah cà phê jêh rnôk ê nkra kŏ ân geh uănh khay đŏng./.