Ủy ban nhân dân n’gor Dak Lak mhe an Trong nchrăp ƀư Hội trại Ka phê tâm trôm Lễ hội ka phê Buôn Ma Thuột rơh tal 9, năm 2025. Aơ lah rơh bôk năp Dak Lak ƀư nău aơ tâm trôm Lễ hội ka phê Buôn Ma Thuột. Tĭng nĕ, Hội trại ka phê mbra dơi ƀư bahg lơ 10 tât 12 khay 3 ta nkual di tích lịch sử-Văn hóa Đồn Điền Ca Da, xă Ea Yông, nkuăk Krắc, n’gor Dak Lak.

Đah bôk nău “Hăn ndrel, tâm pă”, Hội trại ka phê mbra djôt tât mpla nsơ têh dăng ndơ moh êng ka phê Buôn Ma Thuột, ntô̆ n’hao nuĭh tăm n’hanh nkret njêng ka phê, nkre mĭn lah jâng nsan ka phê Việt Nam ta lam ntŭr neh. Ta hội trại, mbra geh âk nău ƀư uĕh, geh n’ăp ƀư ngih wâl; mpla nsơ ndơ ka phê kah, OCOP, ndơ lŏ mir; mpla nsơ rup, tâm rlong nuĭh kan lŏ mir blău, tâm nđŭr văn hóa-njroh mprơ n’hanh ăp rơh tâm rlong nkret njêng, wâr kĭn, mbli ka phê kah. Lễ hội ka phê Buôn Ma Thuột ntŭk tât bah cà phê lam ntŭr neh.