VOV4.M'NÔNG- Khay klêh tiêu năm 2025 dôl lăp tâm khay dôl klêh, nsĭt tât nău rhơn têh an nuĭh ƀon lan kan lŏ mir Gia Lai, rnôk tiêu kro hao khlay 160.000 prăk/kg.

VOV4.M'nông: Lam nkuăl Cư Kuin rnôk aơ geh 4.700 ha tiêu dôl dơi klih tâm rnôk aơ, nau geh rlau 3,2 tấn/ha, rnoh geh ăp năm geh rlau 15 rbăn tấn.

VOV4.M'NÔNG- Ôi 19/3, Mpôl pah kan bah Ủy ban Wăng sa n’hanh prăk kaih Quốc hội hŏ geh rơh pah kan đah UBND n’gor Dak Lak mpeh pah kan ôp uănh dăp rgum dŏng neh 2021-2030, uănh ngai tât năm 2050, n’hanh groi nđôi nău dŏng ƀư Luật neh ntu 2024. 

VOV4.M'NÔNG- Lôch 5 nar đah 17 nău kan tơm ndrel âk nar ƀư tâm rlong khuh n’gor lam ăp nkuâl tâm n’gor, Lễ hội Cà phê Buôn Ma Thuột tâl 9 năm 2025 hŏ mpôch dŭt geh nău dơi uĕh lăng, an tay nău nkah jru tâm nuih n’hâm năch n’hanh nsum mpôl nuĭh ƀư cà phê. Aơ mô dơn lah du nău kan văn hóa săk ntơr êng ma hôm lah rnôk gay n’gâng kan cà phê Việt Nam năl di ntŭk gŭ têh khlay ta bản đồ lam ntŭr neh.

VOV4.M’nông – Talshow “Cà phê n’hanh nău nkoch nău kan cà phê” yor Hiệp hội cà phê Buôn Ma Thuột tâm rgop đah Simexco ƀư lah nău ƀư têh tâm trong nău ƀư jru hvi mpeh cà phê kah bah Lễ hội Cà phê Buôn Ma Thuột rơh tal 9.

VOV4.M’nông - Ta Lễ hội cà phê Buôn Ma Thuột reơh tal 9 mhe rlău lĕ ƀư Rgum tâm rlong Nuĭh ƀon lan tâm rlong blău 2025 đah bôk nău “Cà phê bên ngăch đah ntŭk tăch rgâl”. ndrel đah nĕ rƀŭn nchră tăch rgâl lam ntŭr neh “Boăt nthoi, n’hao prêh cà phê Việt”. Ăp nău ƀư aơ mô rlău nău ŭch n’hao uĕh kah cà phê, tâm di uĕh tăch n’gluh, nsĭt tay nău geh an ƀon lan n’hanh doanh nghiệp tăch n’gluh, tăch rgâl cà phê.

VOV4.M'NÔNG- Nkual mpeh luh nar n’gor Gia Lai, lah thị xã An Khê n’hanh ăp nkuâl Kbang, Đăk Pơ, Kông Chro, tă lah nkual neh wăng sa jêr jŏt đah ăp ntơm tăm glêh nar an nsĭt geh wăng sa đêt. Ndrĭ yơn, kơp ntơm bah rnôk jêng nkual tăm tao dŭt têh hvi lam dak đah bơi 32.000 ha, ăp nkuâl ta n’gor dja hŏ hun hao kloh, bar pe jât rbăn rnăk ƀon lan hŏ joi geh trong rêh đăp mpăn. Nău ndơ tuch tăm jŭr geh rnoh khlay hŭch thuk hŏ bah lĕ ngăn hôm.

VOV4.M'nông: Tâm ăp nau kan ta Lễ hội cà phê Buôn Ma Thuột tal 9 năm 2025, nau tâm rlong “Vâr cà phê kah bah Việt Nam 2025” ntơm ƀư ôi 10/3.

VOV4.M'nông: Jêh âk khay mô mih, n’gor Kon Tum dôl tâm rnôk bri duh nar ndrel geh nau mô tŏng dak tŏ ân tơm tăm.

VOV4,M'NÔNG- Cà phê lah tơm tăm khlay bah Dak Lak, âk rlău 30% rnoh geh cà phê lam dak, rgop tâm nsĭt tăch n’gluh n’hanh nta joi nău kan an hang rhiăng rbăn nuĭh kan ta n’gor. Tâm rnôk cà phê hao khlay mbro, n’gor dôl ntrôl dăng ăp trong nkra gay hun hao jŏ jong ndơ tăch, năl di săk ntơ lư “Cà phê Buôn Ma Thuột” n’hanh rƀŏng tât jêng “Ntŭk wăch rgum bah cà phê lam ntŭr neh”. Gay wât kloh lơn mpeh trong rƀŏng n’hanh ăp trong nkra hun hao ndơ tăch bah  năp nău ŭch geh mhe bah ntŭk tăch rgâl, phóng viên Hương Lý hŏ geh rơh ôp wa Nguyễn Thiên Văn, Groi kruanh UBND n’gor Dak Lak mpeh nkô̆ nău dja.