VOV4.M'NÔNG - Ta nkual ƀon têh Buôn Ma Thuột, n’gor Dak Lak, Ntŭk rgum gŭ mĭn si gle bri nđik ta Việt Nam mhe ƀư tâm nchră “Rdâk tay rup uĕh bri dak ta Dak Lak: Trong dơh soih n’hanh ntul rlong”. Ta aơ, ăp nuĭh khoa học hŏ n’gluh ăp trong nkra rdâk tay bri dak uĕh măt uănh tâm mât chăm cà phê, tăm cà phê nkre đah n’hâm si bên di đah rgâl trôk nar.

VOV4.M'nông: Ndâk bri tâm rnôk tăm cà phê, tăm cà phê tâm rgop ma mât njrăng bri gay rdâng đah nau rgâl mhe trôk nar.

VOV4.M'NÔNG-  Tĭng ƀư ăp trong nkra rgop hun hao cà phê jŏ jong, kloh uĕh an neh ntu ntŭk gŭ rêh, mhe aơ, âk ƀon lan kan lŏ mir ta Dak Lak hŏ nsĭt geh wăng sa, mât rơ̆ trĭch, gay njrăng, n’gang ăp ntil tu ndrŭng chuh sa n’ging tơm, bu tuh nđôch, krêp rsap….ta tơm cà phê. Nău dja mô dơn kơl hŭch bah huach prăk tơm lăp kan, mât njrăng n’hâm suan ma hôm săk kah uĕh cà phê.

VOV4.Mnông - Ta n’gor Dak Lăk, lôch geh nău pă rnoh mbrô ntŭk tăm, rnoh mbrô ntŭk tâl dŭng, geh mbơh tơih lam hvi ta ăp n’gor Dak Lak, lĕ geh tât rbăn tấn chanh rse, nhãn lồng, bum prŭm n’hanh klâp ma 300 rbăn tấn sầu riêng ta n’gor geh tăch tĭng trong tơm, nsĭt tay nău geh têh âk. nău mbơh kloh ntŭk ƀư, nău ueh ndơ tăm ta ăp ntŭk tăm n’hanh ntŭk tâl dŭng geh pă rnoh mbrô ta Dak Lak, lĕ an saơ nău khlăy ngăn n’hanh nâp nâl.

VOV4.M'nông: Ôi lơ 13/12, UBND nkuăl Tu Mơ Rông, n’gor Kon Tum ntơm ƀư nau tăm 12 rbăn tơm sâm Ngọc Linh du năm tâm nâm neh bri. Rnoh tơm aơ yor Thủ tướng Chính phủ Phạm Minh Chính pă ân rnăk ach o bah nkuăl tâm rnôk hăn kan tâm nkual tâm khay 8/2023.

VOV4.Mnông-  Ta nkuăl ƀon têh Buôn Ma Thuột, ntŭk kan mât pă nău kan nkual ƀon lan mhe n’gor Đăk Lăk ƀư jrô nti nău kan, ntĭm nti bôk nău kan du xã du ntil ndơ OCOP năm 2023 an 150 nuĭh kan lah ndơn kan doanh nghiệp, hợp tác xã, rmôt kan ndrel, tơm ntŭk kan n’hanh rnăk pah kan ta n’gor.

VOV4.M'nông: N’gâng kan soay n’gor Dak Lak ƀư rƀŭn nchră ntŭk kan tăch rgâl mpeh nau ntrŭnh, săm ƀŭt hành chính soay tal 2 năm 2023 gay nkoch mbơh ndrel rklaih ăp nau jêr bah ntŭk kan tăch rgâl.

VOV4.M'NÔNG - Tâm bah ri aơ nơh, nkuâl Lạc Dương, n’gor Lâm Đồng hŏ uănh khlay tăm rơ̆ jêng ăp ntil tơm tăm săk geh âk ta ntŭk, dŏng kỹ thuật tâm nău kan tuch tăm gay n’hao geh wăng sa. Ntơm nơh, tơm atiso dơn tăm nchah nchrai dơm ri aƀaơ, hŏ dơi tăm rgum ta du đêt ăp xã Đa Nhim, Đa Sar, Đa Chais, Lát. Lam nkuâl hŏ geh bơi 100 rnăk râng tâm ăp rêng kan tâm rgop tăm n’hanh tăch atiso, nsĭt tay nău geh wăng sa âk an ƀon lan nkual jru nkual ngai ta ntŭk.

VOV4.M'nông - Rƀŭn boăt nthoi nkra njêng n’hanh tăch ndơ lŏ mir Dak Nông 2023 lĕ dơi ƀư ôi 5/12, ta nkual ƀon têh Gia Nghĩa.

VOV4.M'nông-  Xã Khuê Ngọc Điền, nkuăl Krông Bông, n'gor Dak Lăk lah nkual rđŭng. Nău geh bâh nuĭh ƀon lan dŭt âk bâh tăm ba n’hanh du đê̆ ntil tuh mbo, nău geh, nău ueh mô âk, nău rêh mô đăp mpăn. Yơn lah đah nău nsrôih rgâl mhe tơm tăm kon rong, dŏng nău mhe khoa học kĩ thuật ta nău pah kan jan sa, bar pe năm dăch aơ, nău rêh bâh ƀon lan geh âk nău rgâl. Ngoăy tâm âk ntil tơm tăm geh ƀon lan săch gay ma ndơn tơm ba lah mbo m’êt, dŭt âk lah ntil sŏk bâh Mỹ.