VOV4.M’nông: Lơ 21/7, rmôt hăn kan bah Việt Nam ta Liên hợp quốc, ƀư tơm nar rƀŭn Rmôt băn bên bah nau tâm ton Liên hợp quốc năm 1982 mpeh luật dak lêng UNCLOS. Ntoh nau ta nar rƀŭn aơ lah “Nau kan khlay bah UCLOS tâm nau ƀư nkô̆ nau hun hao nâp nâl mrô 14 bah Liên hợp quốc mpeh nau mât, dŏng ân nâp nâl dak lêng ndrel neh dak lêng”. Ăp ntoh măt, Kruanh rmôt kan ndrel ntoh măt bah rlau 120 dak kan nsum bah Liên hợp quốc hŏ râng nar rƀŭn. Giáo sư luật lam ntur neh nŭih Anh Man-côm Ê-vần geh jă ƀư nau ntoh ngơi ta nar rƀŭn. Ăp nau mbơh ngơi nkoch tât nau rnê ngăn mpeh nkô̆ nau ân tâm di đah nau kơl uănh bah Liên hợp quốc mpeh nau ntrŭt dăng ăp ntil UNCLOS. Ăp dak lah rjăp naui kan tơm bah UNCOSL mpeh nau rjaih đăp mpăn nau tâm pit, rnê nau kan bah nau rklaih tĭng UNCLOS tâm nau ntrŭt dăng nau tâm ban páh lý tâm dak lêng nsing tâm luật, rgop nau tâm nau ƀư ăp nkô̆ hun hao nâp nâl./.

Nŭih rblang: H’Thi