VOV4.M’nông: Lŏ tâm ăp nau kan bah rơh khâl ngăn dak Lào bah Kruanh dak Nguyễn Xuân Phúc, kêng măng 9/8/2021, Đại tướng Phan Văn Giang, Kruanh n’gâng kan neh dak geh nau tâm nchră đah Đại tướng Chăn-sạ-mon Chăn-nha-lạt, Groi Thủ tương, Kruanh n’gâng kan neh dak Lào. Ta nar tâm nchră, 2 ding lah rjăp aơ lah nau ueh gay tâm nchră, n’hao nau tâm boh neh dak bar ding tâm rnôk srê Covid-19 dôl geh tât, lah rjăp nau kan bol ma tâm moh nau tât, tahen bar dak mra tâm boh, tâm dăch tâm kơl, rlet ăp nau jêr, mât ân nâp nau tă geh cách mạng hŏ geh ăp kơl mbơ, nô hŏ mbâl nau bun dăp. Rơh tât, N’gâng kan neh dak bah 2 dak lŏ ân geh rgum kơp, mĭn ăp nau kan gay ma ntrŭnh ân tâm di, đah nau nsôih mô ân nau tâm boh bah bar dak geh nau khuch yor srê ji, tâm nê n’hao nau mât, njrăng nkuăl n’har bri, njrăng rdâng nau luh lăp tih dôih./.

Nŭih rblang: H’Thi