VOV4.M’nông – Nar nđaơ 23/6 Thủ tướng Đức Angela Merkel lĕ geh nar wơt Thủ tướng Chính phủ rgâl tay Libya, wa Abdullahmid Dbeibeh-pơng dôl gŭ khâl Đức gay râng rƀŭn nchră lam ntŭr neh mpeh Libya. Ta rơh mâp, Thủ tướng n’gâng kan rgâl tay Libya lĕ đă nău ntop kơl lam ntŭr neh tâm nău ƀư ăp rmôt dak bah dih rhoăt luh dak aơ; đăp mpăn rơh săch ƀon lan ƀư tơm mbra ƀư tâm khay 12 tât; kơt tâm ban ŭch ăp rmôt tahen Libya, đah du nău ƀĭt joet nsum. Dơi gĭt, Thủ tướng Abdullhamid Dbeibeh dơi săch tâm khay 3 mhe rlău, rnôk ăp mpeh mpôl tâm rdâng Libya dơi nău ndâk njêng chính phủ rgâl tay. Tât Đức, wa kuăl jă Quốc hội Libya ơm mbơh an luật săch n’hanh tơm prăk nău kan an chính phủ.

Nŭih rblang: Y Sưng Phê Ja