VOV4.Sêdang - Hâi lơ 18/5, Khu xiâm ngăn pơkeăng ƀă khăm pơlât kong pơlê Lâm Đồng ăm ‘nâi, klêi khăm ngăn mơheăm roh má 2 ƀă 122 ngế ki tơdjâk ngế tâ pơreăng 3141 xuân âm tính COVID-19. Hdrối vâ ‘nâi nhên dương tính COVID-19, ngế tâ pơreăng má 3141 lo ing kong pơlê Bắc Ninh troh pơlê kong kơdrâm Đà Lạt (Lâm Đồng) lăm ôm hyô tung mâu hâi sap lơ 2/5-lơ 5/5 ƀă gá hiăng lăm troh hên tíu.

Pakĭng pêi pro kơtăng hbrâ mơdât pơreăng, xôh pơkeăng kơdê pơreăng, mơgrúa hyôh kong prâi xuân dế châ kong pơlê Lâm Đồng thâ tơbleăng pêi

Kong pơlê Lâm Đồng hiăng mơhnhôk mâu khu râ lăm tăng 776 ngế ki ôí achê, ai tơdjâk mê (tung mê ai 237 ngế F1 ƀă 539 ngế F2), hlối tơkŭm klâ krê vâ mơdât tâ tú dêi pơreăng COVID-19. Nôkố mâu kơ koan, khu râ pơkuâ cheăng Lâm Đồng dế klâ krê 380 ngế ki tơdjâk troh ngế tâ má 3141. Tung kơxô̆ mâu ki mê, ai 5 ngế châ klâ krê a hngêi pơkeăng, 233 ngế klâ krê tung môi toăng hngêi kân tơchoâm ƀă 42 ngế klâ krê a hngêi. Nôkố tơdroăng hbrâ mơdât pơreăng xuân dế châ mâu khu râ pơkuâ cheăng dêi kong pơlê tơbleăng djâ pêi pro.

Gương tơplôu ƀă tơbleăng